भिडियो हेर्न तलको बक्स भित्र क्लिक गर्नुहोस
 |
गायन जी वनको सुरुवातमा कम्पनिले नपत्याएर आफ्ना गीत पनि नाम चलेका गायिकालाई गाउन दिएकी ज्योतिलाई मोडल बनेपछि भने खोज्ने कम्पनिको लर्को लाग्यो । सुरुमा आफूले गाएको गीतमा आफैं अभिनय गरौंन त भन्ने सोच लिएर अभिनयमा लागेकी ज्योतिलाई त्यसपछि अभिनयको अफर आउन थाल्यो । ज्योतिले अभिनय गरेका केहि गीत हिट भएपछि उनलाई नियाली रहेका निर्देशक शंकर बिसीले अभिनयको अफर गरे । उनले अफर गरेको गीत ‘ढाडे बिरालो’ थियो । उक्त गीतमा अभिनय गरेपछि सुरु भयो गायिका ज्योतिको खण्डनको दिन ।
यो गीतमा अभिनय गरेपछि गायिका मगरको जताततै आलोचना भयो । लोक गीतसंगीतबाट गायनमा आएकी गायिकाको काँधमा आफ्नो देशको संस्कृतिलाई चिनाउने थियो । तर, उनले संस्कृति बोकेका चाडपर्वका गीतमा झण्डै अर्धनग्न हिसावमा अभिनय गरिन । यसमा गल्ती उनलाई अभिनय गराउने निर्देशक निर्माताको पनि थियो । तर, खण्डन भयो उनको मात्रै । खण्डन मात्रै भएन उनलाई पुराना लोक गायक रामप्रसाद खनालले त निलो फिल्म खेल्न सुुझाए । उनीहरुको एक प्रकारको दोहोरी नै पर्यो सामाजिक सञ्जालमा । यस्ता खालका खण्डनले पनि उनलाई छोएन । उनी अरुले जे भनेपनि आफूलाई कुनै असर नगर्ने बताउँछिन् । उनी आफ्नै प्रतिभाले आफू सांगीतिक क्षेत्रमा आएकाले कसैले दबाएर आफू नदब्ने बताउँछिन् ।
अभिनय गरेर आफू धेरै चर्चामा आएपनि आफ्नो असली क्षमता गायन भएकाले भविष्यमा आफू गायनमा नै रहने ज्योति बताउँछिन् । कतिपय ठाउँमा ड्रेसका कारण स्टेज कार्यक्रममा जाँदा ज्योतिमाथि दर्शकदीर्घाबाट हमला भएका खबरहरु पनि सार्वजनिक भए । तर, यस्ता सबैखाले आलोचनाको खण्डन गर्छिन । आफूलाई सबैले माया गरेको बताउने ज्योति आफ्नो आलोचना गर्ने मान्छेहरु फेसबुकमा मात्रै भएको तर समाजमा नभएको जिकीर गर्छिन । उनले आफ्नो अर्धनग्न शरीर पनि समाचारका हेडलाइनमा मात्रै देखेको आफूले शरिरका कुनै अंग प्रदर्शन नगरेको ज्योतिको भनाइ छ ।
आफू पनि एक सामाजिक प्राणी भएको र बाँच्न यहि समाज चाहिने भएकाले समाजले चाहे जति मात्रै दिएको ज्योतिको दाबी छ । उनीसँग पनि एउटा सुन्दर परिवारको कल्पना छ । एउटा सुन्दर घर, सुन्दर परिवार, कला क्षेत्रलाई बुुझेको श्रीमान, काममा निस्कनदिने सासुु ससूरा र बच्चाको कल्पनामा रमाउने ज्योतिलाई आज समाजमा देखिएको प्रतिकृयाले भोलिको जीवनमा कुनै असर नगर्ने बताउँछिन् । ज्योतिलाई आफूभित्र राम्रो मानवता भएकाले त्यो मानवताले सबैलाई जित्छ र आफू निरन्तर आजको जस्तै जीवन भोलि पनि बाँच्ने विश्वास छ ।
भिडियो हेर्न तलको बक्स भित्र क्लिक गर्नुहोस
|
0 comments:
Post a Comment